1. شروط الاستخدام

BUSLA منصة بتوصّل بين حد بيدوّر على إرشاد في مجال معين (طالب/باحث عن إرشاد) وحد شغال أو دارس فعليًا في نفس المجال (مرشد)، من خلال ميتينج أونلاين قصير.

دور BUSLA

BUSLA بتسهّل عملية الحجز والتواصل والدفع بين الطرفين، لكنها مش طرف في محتوى الجلسة نفسها. المحتوى والنصيحة اللي بيقدمها المرشد هي مسؤوليته الشخصية، ومنصة BUSLA مش بتضمن دقة أو نتيجة أي استشارة.

الحسابات

• لازم بيانات حقيقية عند التسجيل (اسم، مجال، وسيلة تواصل).
• المرشد مسؤول عن دقة بيانات خبرته والسعر والمواعيد المتاحة اللي بيحطها على حسابه.
• BUSLA ليها الحق تعلّق أي حساب بيستخدم بيانات غير صحيحة أو بيسيء استخدام المنصة.

الدفع

قيمة الجلسة بتتحول من الباحث عن إرشاد إلى رقم إنستاباي الرسمي الخاص بمنصة BUSLA (مش لحساب المرشد مباشرة)، ويتم رفع صورة إيصال التحويل على المنصة. يراجع فريق BUSLA الإيصال ويؤكده، وبعدها يظهر رابط الجلسة. بعد إتمام الجلسة وتأكيدها من الطرفين (المستفيد والمرشد)، تقوم BUSLA بتحويل نصيب المرشد على رقم الإنستاباي المسجل في حسابه، بعد خصم عمولة المنصة (10%).

2. سياسة الخصوصية

البيانات اللي بنجمعها

• بيانات الحساب: الاسم، البريد الإلكتروني، رقم الموبايل، المجال/التخصص.
• بيانات الحجز: المواعيد، حالة الحجز، والتقييمات بعد الجلسة.
• صورة إيصال تحويل الدفع، لغرض تأكيد الدفع بين الطرفين فقط.

استخدام البيانات

بنستخدم البيانات دي بس عشان نشغّل المنصة: عرض الحساب، تنظيم الحجز، تأكيد الدفع، والتواصل معاك بخصوص حسابك أو حجوزاتك. مش بنبيع ولا نشارك بياناتك مع أي جهة تالتة لأغراض تسويقية.

مين بيشوف بياناتك

صورة إيصال الدفع بيشوفها المرشد اللي حجزت معاه (لغرض التأكيد) وفريق BUSLA (في حالة وجود خلاف يحتاج مراجعة يدوية).

3. سياسة الخلافات والاسترجاع

بعد الجلسة، كل من الطرفين (المرشد والباحث عن إرشاد) بيأكد من حسابه إن الجلسة اتعملت. لو حصل اختلاف بين تأكيد الطرفين، أو حد فيهم عنده مشكلة (تأخير، عدم حضور، جودة الجلسة، إلخ):

• الحالة بتتحول لمراجعة يدوية من فريق BUSLA.
• ممكن تبلغنا عن أي مشكلة مباشرة من خلال زرار المساعدة الموجود في كل صفحات الموقع.
• فريق BUSLA بيراجع الحالة (زي وقت الحجز، حالة تأكيد الطرفين) ويقرر إما تأكيد الدفع للمرشد أو استرجاعه للباحث عن إرشاد.
• قرار فريق BUSLA بعد المراجعة يعتبر نهائي.